Mtu wangu wa nguvu ambaye unapenda soka, nimekutana na headlines nyingi za soka siku ya Ijumaa ya January 22, kuna mengi yameandikwa kuhusu soka la Uingereza. Naomba nikusogezee ripoti kubwa ya tetesi za usajili kwa vilabu vya soka barani Ulaya hususani Uingereza. Hii ni TOP 5 headlines stories kutoka sokkaa.com
5- Matic kuondoka Stamford Bridge
Kiungo wa klabu ya Chelsea Nemanja Matic anaripotiwa kuwa katika mpango wa kuondoka Chelsea kabla ya majira ya baridi ya dirisha dogo la usajili kumalizika, kiungo huyo alifurahia maisha ya Chelsea msimu uliopita akiwa na Jose Mourinho ila kwa sasa ameshindwa kufanya vizuri msimu huu. (CHANZO: Daily Mail)
4- Muller kujiunga na Man United ?
Mshambuliaji wa FC Bayern Munich Thomas Muller rasmi amevunja matumaini ya kujiunga na Man United, baada ya kusaini mkataba mpya wa kuendelea kuitumikia FC Bayern Munich, Licha ya kuwa Muller alisaini mkataba na FC Bayern Munich muda ila Man United walitajwa kuwa na matumaini ya kunasa saini yake. (CHANZO: Daily Star)
3- Chelsea wametenga dau la pound milioni 50 kwa John Stones
Kocha wa muda wa klabu ya Chelsea Guus Hiddink ameendeleza mbio alizoacha Jose Mourinho za kuendelea kuwania saini ya beki wa klabu ya Everton John Stones. Chelsea ambao walituma ofa zaidi ya mbili kuomba Everton iwauzie staa huyo, imetangaza kutuma ofa ya pound milioni 50 kwa ajili ya kuishawishi Everton iwauzie staa huyo. (CHANZO:talkSPORT)
2- Guardiola yupo katika mazungumzo na Man United
Kocha wa klabu ya FC Bayern Munich ya Ujerumani Pep Guardiola ambaye tayari amethibitisha kuondoka ndani ya klabu hiyo mwishoni mwa msimu, anatajwa kuwa katika mazungunzmo na uongozi wa klabu ya Man United ya Uingereza ili achukue mikoba ya Louis van Gaal ambaye uongozi unaoneshwa kutoridhishwa na utendaji kazi wake. Hata hivyo Guardiola anatajwa kuingia mkataba wa awali na Man City. (CHANZO: L’Equipe)
1- Louis van Gaal kafungiwa
Kocha wa klabu ya Man United ya Uingereza Louis van Gaal anatajwa kufungiwa na uongozi wa Man United kutofanya usajili wa mchezaji yoyote, tetesi zinaeleza kuwa Van Gaal kafungiwa na uongozi kutokana tayari kashafanya usajili wa fedha nyingi toka amejiunga na klabu hiyo. (CHANZO: Daily Mirror)
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
