March 15 2016, Rais wa Jamhuri ya Muungano wa Tanzania Dk. John Pombe Magufuli aliwaapisha Wakuu wa Mikoa wapya huku akitoa siku 15 kwa Wakuu wa Mikoa wawe wamesimamia na kuondoa watumishi hewa na pia kuwakamata vijana wote ambao hawataki kufanya kazi kwa kuwapeleka katika kambi maalum ili wakalime.
Leo March 16 2016 Waziri wa Nchi Ofisi ya Rais, Tawala za Mikoa na Serikali za Mitaa (TAMISEMI), George Simbachawene amekutana na Wakuu hao wa Mikoa na kuwapa mikakati na miongozo ya kiutendaji katika majukumu yao mapya hasa katika kuchukua hatua kwa watendaji wazembe mikoani.
Pia amesisitiza kuwabana wao wakuu wa Mikoa kama hawatasimamia vyema majukumu yao, Simbachawene amesema……>>> ‘Mimi nitashughulika na ninyi, mimi Waziri hapa eti natoka kule naruka sarakasi kwenye shule ya msingi eti nakagua pale eti darasa limekaa hivi, mimi nakula na wewe, ukiona nimefika kule ujue una hali mbaya na sitapita ofisini kwako, mimi nikienda nikikuta shule imeezuliwa wanafunzi wanasomea chini ya mti najua hakuna Mkuu wa Mkoa hapa’:-George Simbachawene
Aidha waziri huyo amesisitiza Wakuu wa Mikoa kuwasimamia wananchi kufanya kazi…….>>>’ninyi ndio mnatakiwa kuona kwamba watumishi wote wa umma wanafanya kazi yao kwa mifumo mtakayoiweka, lakini pia kuhakikisha wananchi kwa ujumla wanafanya kazi na wakati mwingine mtu unafikiria bora turudishe sheria ya nguvu kazi ili kila mmoja ajulikane anafanya nini’:-George Simbachawene
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenyeTwitter,FB,Instagram na YouTUBE wa kubonyeza hapa >>> INSTAGRAM TWITTERFBYOUTUBE
Ilikupita hii Video ya Kilichomchekesha Rais Magufuli japokuwa alikua kavaa sura ya kazi IKULU
