Jina la Eric Cantona sio geni masikioni mwa mashabiki wa soka ulimwenguni hususani mashabiki wa Man United, Eric Cantona ni miongoni mwa wachezaji nguli wa Man United ambao wamejijengea heshima kubwa Man United kutokana na umahiri wao katika uwanja enzi zao.
Cantona ambaye anatajwa au anajiita kama mfalme wa Man United alinukuliwa na Eurosport akisema kuwa yeye ndio mfalme pekee wa Man United, hawezi kutokea mwingine na kama akitokea mwingine basi hawezi kuwa mfalme atakuwa mtoto wa mfalme kauli ambayo ilimlenga moja kwa moja mshambuliaji mpya wa Man United Zlatan Ibrahimovic.
‘I have a personal message for Zlatan…’
The classic Cantona video that Ibrahimovic seems to have responded to…https://t.co/SFFc3UW3l8
— Eurosport UK (@Eurosport_UK) July 18, 2016
“Nimalize kwa kutoa ujumbe mmoja kwa Zlatan, umefanya maamuzi sahihi kujiunga na Man United katika maisha yako, hiyo ni nyumba ya ndoto lakini kitu kimoja tu ujue mfalme siku zote huwa ni mmoja, kama unataka kuwa basi wewe utakuwa mtoto wa mfalme”
Baada ya kutoa kauli hiyo na Zlatan Ibrahimovic aliyejiunga na klabu hiyo kama mchezaji huru baada ya kumaliza mkataba na PSG, amesikia kauli ya Cantona na kuijibu kuwa yeye hawezi kuwa mfalme wa Man United bali atakuwa Mungu wa Man United, Zlatan amenukuliwa na gazeti la Sweden Aftonbladet.
“Namkubali Cantona na nimesikia alichokisema lakini mimi sitakuwa mfalme Manchester United, bali nitakuwa Mungu wa Manchester”
ALL GOALS: YANGA VS MEDEAMA SC JULY 16 2016, FULL TIME 1-1
