Baada ya mshambuliaji wa kimataifa wa Hispania ambaye anaichezea Chelsea ya England Diego Costa kuitumikia klabu hiyo kwa misimu miwili, tayari klabu yake ya zamani ya Atletico Madrid ya Hispania imeiomba Chelsea iwauzie mshambuliaji huyo.
Chelsea ambayo inafundishwa na kocha wake mpya msimu huu Antonio Conte imegoma kumuuza Diego Costa kwenda Atletico Madrid, licha ya Atletico Madrid kutumia euro milioni 60 ambazo ni zaidi ya Tsh bilioni 140 kuishawishi Chelsea lakini ofa yao imekataliwa.
Conte amenukuliwa na baadhi ya mitandao kuwa kwa sasa Diego Costa lazima abaki katika kikosi chao, Costa ambaye aliisaidia Chelsea msimu wake wa kwanza kutwaa Ubingwa anaripotiwa kuwa na mipango ya kutaka kuihama timu hiyo na angependa kucheza katika klabu yake ya zamani ya Atletico ambayo aliichezea kuanzia 2010-2014.
ALL GOALS: YANGA VS MEDEAMA SC JULY 16 2016, FULL TIME 1-1
