Ni siku moja imepita toka kocha wa Man United Jose Mourinho aripotiwe kutangaza kuwazuia wachezaji wake kucheza game za Pokemon Go muda wote na badala yake wanaruhusiwa kucheza saa 48 kabla ya mechi, leo July 27 kocha wa Man City Pep Guardiola ambao ni wapinzania wa Man United ameripotiwa kupiga marufuku ulaji wa pizza.
Kocha huyo ambaye amejiunga na klabu hiyo msimu huu akitokea FC Bayern Munich ya Ujerumani, amepiga marufuku wachezaji wake kula pizza na hatoruhusu mchezaji wake kufanya mazoezi kama atakuwa kaongezeka uzito, beki wa pembeni wa klabu hiyo Gael Clichy ameweka wazi utaratibu huo.
“Kiukweli kama uzito wako ni mkubwa huwezi kufanya mazoezi pamoja na timu utawekewa program maalum ya peke yako, kocha amekataza baadhi ya aina za juisi kwa wachezaji na kukataza ulaji wa pizza, Guardiola ni kocha ambaye anaweza kumsaidia mchezaji wa nafasi yoyote” >>> Clichy
ALL GOALS: YANGA VS MEDEAMA SC JULY 16 2016, FULL TIME 1-1
