Siku 84 baada ya Mrisho Ngassa kutangazwa kuingia mkataba wa miaka miwili na Fanja FC na kuichezea timu hiyo ya Oman mechi kadhaa, leo December 14 2016 ametangazwa kujiunga na kikosi cha Mbeya City cha jijini Mbeya.
Ngassa amejiunga na Mbeya City leo baada ya kuwasili jijini Mbeya akitokea Dar es Salaam, Ngassa anajiunga na Mbeya City na kuungana na kocha wake wa zamani raia wa Malawi Kinnah Phiri ambaye alifanya nae kazi katika timu ya Free State Stars ya Bethlehem Afrika Kusini.
Kama utakuwa na kumbukumbu vizuri Ngassa alijiunga na Fanja FC ya Oman September 21 2016 na kusaini mkataba wa miaka miwili na timu hiyo, ila taarifa ya Mbeya City bado haijaweka wazi wamemsajili kwa muda gani na vipi amevunja mkataba na Fanja?
ALL GOALS: Simba vs Toto Africans October 23 2016, Full Time 3-0
