Wabunge wa chama tawala nchini Kenya, wameifanyia marekebisho sheria ya Uchaguzi ikiwa ni miezi nane imebakia kuelekea Uchaguzi Mkuu wa madiwani, wabunge na Rais unatarajiwa kufanyika mwaka 2017.
Kwa mujibu wa Bunge la Kenya, mabadiliko hayo yataiwezesha Tume ya Uchaguzi nchini humo kutumia njia ya kawaida kuwatambua wapiga kura na kuwasilisha matokeo ya Urais ikiwa mfumo wa teknolojia hautaweza kufanya kazi yake vizuri.
Wabunge wa upinzani nchini humo wamepinga mabadiliko hayo na baada ya kuona hawasiliziwa waliamua kutoka bungeni wakati wa mjadala wa kuirekebisha sheria hiyo ukiendelea, wabunge hao wamedai kuwa wabunge wa serikali walikuwa wamejiandaa kwa silaha hatari ili wawadhuru..
Aidha, upinzani unadai kuwa serikali ya Rais Uhuru Kenyatta imebadilisha sheria hiyo ili kutengeneza mazingira ya kuiba kura, madai ambayo serikali kupitia wabunge wa chama tawala wamekanusha na kueleza kuwa mabadiliko hayo yataipa nafasi Tume ya Uchaguzi kutumia mfumo mbadala ikiwa mtandao utasumbua siku ya kupiga kura mwezi Agosti mwaka ujao.
Baada ya marekebisho hayo kupitishwa, Mahakama imesema haiwezi kuzuia kikao cha bunge kuendelea kwa sababu mabadiliko hayo bado hayajawa sheria. Taarifa ya upinzani inasema watahakikisha kuwa Uchaguzi wa mwaka 2017 haufanyiki kutokana na kufanyika kwa mabadiliko hayo na hata kutishia kuwepo kwa maandamano nchi nzima.
VIDEO: Uliikosa kutazama mambo 6 aliyoyazungumza Rais Magufuli baada ya kufanya ziara nchini Kenya? Nimekuwekea hapa chini. Bonyeza Play kutazama
Unazitaka Breaking NEWS na Stori zote? ungana na Millard Ayo kwenye Facebook Twitter Instagram na Youtube na atakuletea matukio yote ya picha, video na habari iwe usiku au mchana…. bonyeza hapa >>> FB Twitter Instagram YouTUBE
