Moja kati ya usajili ambao ulishangaza baadhi ya watu kuona unafanyika ni Man United kumsajili mshambuliaji wa kimataifa wa Sweden Zlatan Ibrahimovic akiwa na umri wa miaka 35 kama mchezaji huru akitokea Paris Saint Germain ya Ufaransa katika kipindi cha dirisha la usajili la majira ya joto.
Wengi hawakutegemea kuona Zlatan akifanya vizuri na Man United kutokana na umri wake halafu alikuwa anaingia Ligi mpya, hivyo inaaminika angeweza kuchelewa kufanya vizuri au kushindwa kabisa, ila Zlatan amekuwa na mchango mkubwa katika safu ya ushambuliaji ya Man United na leo anaweza kuvunja rekodi ya Lionel Messi.
Zlatan anaweza kuvunja rekodi ya Messi ya kufunga magoli 51 kwa mwaka 2016 kabla mwaka haujaisha, kwani Zlatan kafunga magoli 50 kwa mwaka 2016 kama akifunga goli mbili katika mchezo wa leo dhidi ya Middlesbrough anaweza kuvunja rekodi ya Messi kwa kufikisha magoli 52 wakati huu ambao Ligi ya Hispania imesimama.
ALL GOALS: JKT Ruvu vs Yanga December 17 2016, Full Time 0-3
