Jina la staa wa soka wa Man United na nahodha wa timu hiyo Wayne Rooney linazidi kuchukua headlines kwa siku za hivi karibuni, kutokana na kuzidi kuhusishwa na tetesi za kuihama Man United na kurudi Everton timu ambayo ilimlea toka utoto.
Tetesi hizo zinazidi kuchukua headlines zaidi kutokana na staa huyo kudaiwa kuwa ameachwa katika list ya wachezaji wa Man United watakaosafiri kuelekea katika maandalizi ya msimu mpya wa Ligi Kuu ya England nchini Marekani.
Wayne Rooney ambaye anahusishwa kuondoka Man United na kurudi Everton, aliwahi kuichezea Everton katika kipindi cha miaka miwili baada ya kupandishwa na Everton kutokea timu za vijana 2002, kama tetesi hizo zikiwa za kweli Wayne Rooney tutamuona Tanzania July 13 2017 akija na timu yake Everton katika mchezo wa kirafiki dhidi ya Bingwa wa SportPesa Super Gor Mahia ya Kenya.
Mchezo huo utakaochezwa uwanja wa Taifa Dar es Salaam umeandaliwa na wadhamini wapya wa Everton kampuni ya michezo ya kubashiri ya Sport Pesa, Everton wanautumia mchezo huo kama sehemu ya maandalizi ya msimu mpya.
VIDEO: All Goals Taifa Stars vs Lesotho June 10 2017, Full Time 1-1
