Timu ya taifa ya Tanzania Taifa Stars leo Jumamosi ya July 22 ilikuwa mjini Kigali katika uwanja wa Nyamirambo kucheza mchezo wake wa marudiano wa kuwania kufuzu kucheza fainali ya michuano ya mataifa ya Afrika kwa wachezaji wa Ligi za ndani CHAN 2018 dhidi ya Rwanda.
Taifa Stars ambayo iliingia katika uwanja wa Nyamirambo kucheza dhidi ya wenyeji wao Rwanda katika mchezo huo, walikuwa wanahitaji sare ya kuanzia goli 2-2 au ushindi wowote iliwaweze kuitoa Rwanda katika michuano, hiyo inatokana na mchezo wa kwanza kumalizika kwa sare ya 1-1.
Kwa bahati mbaya Taifa Stars imeshindwa kupata matokeo katika uwanja wa Nyamirambo dhidi Rwanda na kujikuta ikiambulia sare tasa (0-0) , matokeo ambayo yameiondoa Tanzania na Rwanda kusonga mbele kwa goli la ugenini walilolipata katika uwanja wa CCM Kirumba.
VIDEO: Gor Mahia vs Everton: Full Time 1-2 (ALL GOALS JULY 13, 2017)
