Wakati wengine wakiuanza mwaka 2018 kwa furaha, wakazi wa jiji la Liverpool wameuanza vibaya mwaka huu baada ya kutokea ajali kubwa ya moto iliyounguza takribani magari 1,400.
Magari hayo yalikuwa yameegeshwa kwenye ghorofa la kuegesha magari la King’s Dock karibu na ukumbi wa Liverpool Echo Arena, ambapo inaelezwa kuwa ni miongoni mwa mioto mibaya zaidi iliyowahi kutokea katika maeneo hayo.
Katika taarifa iliyotolewa na Polisi jijini humo, imebainisha kuwa iliwalazimu kuwahamisha wakazi wa maeneo hayo na kuwapeleka kwenye makazi ya kudumu ili wasikumbwe na madhara ya moto huo ambao ulikuwa ukianza kusambaa kwenda kwenye majengo mengine.
Pia Polisi hao wamesema uchunguzi wa awali umeonyesha kuwa moto huo ulianza kutoka kwenye gari moja na kusambaa kwenda kwa mengine.
“SISI CHANGAMOTO NI CHAKULAUWEZI FANYA ZIARA BILA KUTUMWA KUOMBA CHAKULA, BONYEZA PLAY HAPA CHINI KUTAZAMA
