Mwanafunzi mmoja wa darasa la tisa ambaye ni mkazi wa Miami Florida Marekani siku za hivi karibuni ametoa malalamiko yake kwa kueleza kuwa alilazimishwa kufanya mapenzi na wavulana watatu, mmoja kati yao akiwa na maambulizi ya VVU.
Binti huyo wa miaka 14 ameeleza kuwa tukio hilo lilitokea katika bafu ya shule anayosoma inayojulikana kama Miami Carol City Senior High School ambapo anadai kufanyiwa vitendo hivyo kwa nyakati tofauti.
Ameeleza kuwa mvulana wa kwanza ambaye hajatajwa jina alimvuta sweta na kumpeleka chooni kisha kumlazimisha kufanya naye mapenzi kinyume na maumbile na baada ya muda taarifa za tukio hilo zilisambaa kwenye shule hiyo.
Jambo hili lilifanya wavulana wengine wa madarasa ya juu yake kuanza kumtongoza na wakati wa jioni ya siku hiyo hiyo alibakwa tena na wavulana wawili wengine.
Good News kwa watumishi wote wanaoidai Serikali
JPM kwenye hafla ya Mabalozi wanaoziwakilisha nchi zao hapa Tanzania
