Mabingwa wa Tanzania club ya Dar es Salaam Young Africans leo walikuwa wenyeji wa Towship Rollers ya Botswana katika mchezo wa kwanza wa round ya kwanza wa michuano ya club Bingwa Afrika uwanja wa Taifa Dar es Salaam.
Yanga wakiwa nyumbani wamejikuta wakikubali kipigo cha magoli 2-1, hivyo wameweka rehani nafasi yao ya kufuzu kucheza hatua ya makundi ya michuano ya club Bingwa Afrika, magoli ya Township yalifungwa na Lemponye dakika ya 11 na Sikele dakika ya 83 wakati goli pekee la Yanga likifungwa na Obrey Chirwa dakika ya 30.
Kipigo cha Township Rollers kwa Yanga hakijawashitua baadhi ya watu wanaofahamu soka la Afrika, kutokana na Township Rollers amewashangaza wengi mwaka huu baada ya kufuzu kucheza na Yanga kwa kuwatoa club ya El Merreikh ya Sudan ambayo imekuwa nadra sana kutolewa katika hatua za awali.
Kwa matokeo hayo Yanga atalazimika kwenda kutafuta ushindi wa magoli 2-0 ili kuhakikisha anapindua matokeo na kuwatoa Township Rollers katika michuano ya club Bingwa Afrika, kocha wa Township amesema baada ya mechi kuisha Yanga anawaheshimu ila kama watahitaji ushindi katika mchezo wa marudiano nchini Botswana watahitaji kwenda na kitu kipya Botswana.
https://youtu.be/KdE_5qMXfEE
VIDEO: Naibu waziri alivyoeleza sababu za kumfungia Roma na kumpa onyo Nay wa Mitego
