Club ya FC Barcelona usiku wa April 17 2018 ilikuwa ugenini katika uwanja wa Balaidos kucheza mchezo wake wa 33 wa Ligi Kuu Hispania LaLiga msimu wa 2017/2018 dhidi ya Celta Vigo wanaoshika nafasi ya 9 katika msimamo wa Ligi Kuu Hispania.
Pamoja na kuwa FC Barcelona walikuwa wanapewa nafasi ya kuondoka na ushindi katika mchezo huo, wamekutana na matokeo ambayo hayakutarajiwa na wengi licha ya kuwa Barcelona walikuwa wanaanza kupata goli, game imemalizika kwa sare kufungana magoli 2-2.
Magoli ya FC Barcelona yakifungwa na Ousmane Dembele dakika ya 36 na Francisco Garcia dakika ya 64, wakati magoli ya kusawazisha ya Celta Vigo yalifungwa na Jonny dakika ya 45 ikiwa ni dakika tisa zimepita baada ya wao kuruhusu goli la kwanza na Iago Aspas akafunga goli la pili dakika ya 82.
Baada ya Barcelona kutoka sare mchezo huo sasa wanakuwa wamevuna point moja pekee na kupoteza point mbili kutokana na sare hiyo lakini wanasalia kileleni mwa msimamo wa LaLiga wakiwa na jumla ya point 83 ikiwa ni tofauti ya point 12 dhidi ya Atletico Madrid anayewafuatia.
ALL GOALS: Simba vs Mbeya City April 12 2018, Full Time 3-1
https://youtu.be/-X6tg5a15HI
