Ligi Kuu Tanzania bara msimu wa 2017/2018 imeendelea leo kwa vinara wa Ligi Simba SC kucheza mchezo wao wa marudiano wa Ligi Kuu dhidi ya Lipuli FC ya Iringa katika uwanja wa Samora Iringa.
Simba ambao wanaongoza Ligi kwa kuwa na tofauti ya point 11 dhidi ya wapinzani wao wa jadi Yanga, leo wamejikuta wakipoteza point mbili Iringa baada ya kulazimishwa sare ya kufungana goli 1-1, Lipuli ndio walikuwa wa kwanza kupata goli dakika ya 32 kupitia kwa Adam Salamba.
Mabadiliko ya kuingia kwa Laudit Mavugo yalizaa matunda baada dakika ya 66 kuifungia Simba goli la kusawazisha, Simba sasa anaendelea kuongoza Ligi kwa kuwa na jumla ya point 59 akimzidi Yanga point 12 na michezo mitatu.
VIDEO: Mapokezi ya Yanga Airport DSM na alichokisema kocha wao
