Timu ya taifa ya vijana chini ya umri wa miaka 17 maarufu kama Serengeti Boys leo April 25 2018 imefanikiwa kutinga fainali ya michuano ya mataifa ya Afrika Mashariki maarufu kama CECAFA kwa kufanikiwa kuitoa Kenya.
Serengeti Boys ikishiriki michuano hiyo wakiwa Burundi leo wamefanikiwa kuifunga Kenya kwa jumla ya magoli 2-1 katika uwanja wa Muyinga, magoli ya Tanzania yalifungwa na Jafari Juma dakika ya 21 na Kelvin Paul dakika ya 62.
Taarifa hiyo inakuwa ni mfululizo wa habari njema katika soka la vijana Tanzania, hiyo inakuwa ni baada ya siku chache kupita baada ya timu ya taifa ya Tanzania kwa vijana chini ya umri wa miaka 20 maarufu kama Ngorongoro Heroes kuitoa Congo DRC katika mchezo wa kuwania kufuzu AFCON U-20.
VIDEO: Mapokezi ya Yanga Airport DSM na alichokisema kocha wao
