Siku kadhaa zimepita toka club ya Arsenal kuingia makubaliano na kocha wake Arsene Wenger kuachana na timu hiyo mara baada ya msimu huu kumalizika, Wenger ndio kocha ambaye amedumu England kwa muda mrefu zaidi baada ya kuondoka kwa Sir Alex Ferguson, hivyo kocha wa Man United wa sasa Jose Mourinho amezungumzia maamuzi ya Wenger kuondoka Arsenal.
“Kama unaniheshimu mimi kwa kiwango cha asilimia 50 ambacho mimi nina kuheshimu basi tunaweza kuwa marafiki kwa siku zijazo, kwa sababu nina heshima sana kwake na nimekuwa nikiionesha heshima hiyo kwa miaka kadhaa sasa, nilikuja hii nchi 2004 yeye akiwa Bingwa na Arsenal na nilitaka kuiba Ubingwa wake”>>> Mourinho
“Nasikitika kusikia anaondoka EPL maana yeye ni icon EPL baada ya Sir Alex Ferguson yeye ndio kocha mkubwa hapa lakini tunajua kuondoka kwa Ferguson ilikuwa ni uamuzi wake mwenyewe”>>>Mourinho
Wenger anaondoka Arsenal mwisho wa msimu huu baada ya kuitumikia timu hiyo kwa miaka 22 sasa na wamewahi kuingia katika vita ya maneno na Jose Mourinho kwa kupishana kauli timu zao zikiwa zinaelekea kukutana.
VIDEO: Mapokezi ya Yanga Airport DSM na alichokisema kocha wao
