Waziri Mkuu Kassim Majaliwa leo June 1 2018 amefanya ziara katika kiwanda cha kutengenezea nguo cha Urafiki na kukuta matatizo mbalimbali likiwemo la kiwanda kutofanya kazi.
Akizungumza na uongozi wa kiwanda hicho Majaliwa ametoa maagizo kwamba wakae chini na wabia wao ambao ni Wachina na ifikapo jioni ya leo wampatie majibu na kama watashindwa waondoke.
‘Ubia wenu hauna tija, nahitaji maelezo yenu, mkae wewe na yeye na ikiwezekana mimi nikitoka mbaki mjadiliane jioni saa 12 nipate majibu na muheshimiwa Waziri, wewe Mkuu wa Mkoa muongoze mjadala huo na mtoke na maadhimio‘ Waziri Mkuu
