Baada ya staa wa soka wa Real Madrid Cristiano Ronaldo kujiunga na Juventus kwa ada ya uhamisho wa euro milioni 100, tetesi zilizidi kuwa kubwa kuwa Real Madrid wanamtafuta staa mpya wa timu hiyo.
Real Madrid walikuwa wanahusishwa kwa karibu kuwa wanakaribia kumsajili Neymar kutokea Paris Saint Germain kama ndio staa wao mpya, leo imekuwa tofauti na matarajio ya wengi na Neymar ameweka wazi msimamo wake.
Leo July 20 2018 Neymar ameweka wazi msimamo wake kuwa ataendelea kuitumikia club yake ya PSG ya Ufaransa kwa msimu wa 2018/19.
“Nabakia nabakia Paris taarifa zinazoendelea zinazushwa na vyombo vya habari tu kila mmoja anajua malengo yangu nilipoenda Paris, nataka kupata mafanikio nikiwa na hii club na natumaini msimu ujao utakuwa mzuri”>>> Neymar
Kama utakuwa unakumbuka vizuri Neymar alijiunga na Paris Saint Germain ya Ufaransa akitokea FC Barcelona kwa uhamisho wa rekodi ya dunia wa dau wa pound milioni 200, Neymar katika msimu wake wa kwanza PSG amefunga magoli 19, assist 13 na kutwaa taji la League 1.
USAJILI WA YONDANI: Manara asema “Mimi ndio msemaji wa SIMBA SC”
