Usajili wa vilabu vya Ligi Kuu Tanzania msimu wa 2018/2019 utafungwa leo Alhamisi ya July 26 2018 kwa wachezaji wa ndani lakini kwa wachezaji wa kimataifa shirikisho la soka Tanzania TFF limetenga hadi September 6 ndio dirisha la usajili litafungwa kwa wachezaji wa kigeni.
Kuelekea kufungwa kwa dirisha la usajili naomba nikupe taarifa za wachezaji waliokamilisha usajili dakika za lala salama, Yanga wao wamefanikiwa kuwasajili raia wa Congo DRC Klaus Nkinzi Kindoki na Herietier Makambo kwa mkataba wa miaka miwili kila mmoja.
Kwa upande wa club ya Azam FC wenyewe wametangaza kumsajili mshambuliaji wa zamani wa Singida United Dany Lyanga, wakati Simba SC imefanikiwa kumuongezea mkataba Said Ndemla na kumsajili Hassan Dilunga.
USAJILI WA YONDANI: Manara asema “Mimi ndio msemaji wa SIMBA SC”
