Club ya wekundu wa Msimbazi Simba SC ikiwa inaelekea kucheza mchezo wa Ngao ya Jamii dhidi ya Mtibwa Sugar katika uwanja wa CCM Kirumba Mwanza, kwa sasa wapo Arusha na August 15 2018 itacheza game ya kirafiki dhidi ya Arusha United ya daraja la kwanza.
Simba ikiwa Arusha itacheza mchezo huo ambao mgeni rasmi atakuwa mkuu wa mkoa wa Dar es Salaam Paul Makonda, ila afisa habari wa Simba SC Haji Manara leo wakati wa kuongea na waandishi wa habari akiwa na mkuu wa mkoa wa Arusha Mrisho Gambo ametoa ahadi nzito.
Haji Manara ametangaza kuwa kama Simba SC itafungwa na timu ndogo Arusha United, basi atajiuzulu nafasi yake hiyo ndani ya Simba SC “Simba inaandikwa zaidi ya mtu yoyote yule nje ya Rais Magufuli, kama wanavyosema wataalam mchezo wa kesho tutautumia kukuza brand yetu, nimemwambia mkuu wa Mkoa (RC Gambo) tukifungwa na nyinyi najiuzulu”
Haji Manara haishiwi maneno “Kabla ya kunitolea povu nipinge kwa data”
