Mshambuliaji wa kimataifa wa Misri na club ya Liverpool ya England Mohammed Salah leo amezichukua headlines baada ya game ya Liverpool dhidi ya AFC Bournemouth, Salah alikuwa sehemu ya kikosi cha Liverpool kilichocheza mchezo huo ugenini na kupata ushindi wa 4-0.
Baada ya game Mohammed Salah ambaye alifunga hat-trick katika mchezo huo wa ushindi wa magoli 4-0, alitangazwa kuwa mchezaji bora wa mechi (Man Of The Match) lakini aliikataa tuzo hiyo na kumpa tuzo hiyo kiungo wao James Milner akiamini ndio anastahili.
Salah ambaye magoli ya leo yanamfanya afikishe jumla ya magoli 10, ameona tuzo hiyo anastahili Milner kutokana na mchango wake katika soka akicheza michezo 500 Ligi Kuu England, Salah alinukuliwa akisema “Game 500 nampongeza kwa kuwa na wakati mzuri katika soka lake”
Milner anaitumikia Liverpool kwa mwaka wa tano toka ajiunge nayo mwaka 2010 akitokea Aston Villa alipokuwa akiitumikia timu hiyo kwa mkopo na baadae kujiunga nayo jumla, Liverpool ushindi huo unawafanya waongoze Ligi kwa muda kwa kuwa na point 42 huku wakiombea Man City apoteze dhidi ya Chelsea ili waendelee kuongoza Ligi.
MO Dewji alivyojitokeza Taifa kwa mara ya kwanza toka atekwe
