Robo fainali ya michuano ya Coppa Italia msimu huu imekaa kama shindano la 8 bora ya Serie A ambapo Fiorentina timu pekee nje ya nane bora katika msimamo wa Ligi Kuu ya Italia maarufu kama Serie A kuingia katika hatua ya robo fainali.
Shughuli inaanzia jijini Milan ambapo wenyeji AC Milan watawakaribisha Napoli katika dimba la San Siro saa 4:45 Usiku. Napoli inayoshika nafasi ya pili katika msimamo wa Ligi Kuu Italia Serie A nyuma ya Juventus ambao wamewazidi kuimarika siku za hivi karibuni.
Licha ya Napoli kuwa na kikoso kizuri bado hawajaweza kushindana na Juventus, na Kombe la Coppa Italia ndio nafasi yao wazi zaidi kushinda taji mwaka huu japo haitakuwa rahisi kutokana na uimara wa timu zilizoingia robo fainali.
AC Milan wao wana muda mrefu zaidi wakiwa hawajashinda Kombe japo walishinda taji la Super Coppa Italiana mwaka 2016 huku wakiwa hawajashinda ligi wala Kombe la Shirikisho kwa muda mrefu, huku wenzao Inter Milan watakuwa nyumbani pia dhidi ya Lazio siku ya Alhamisi saa 5:00 Usiku.Kesho Jumatano, Fiorentina watakuwa nyumbani dhidi ya Roma na mechi itachezwa saa 2:15.
Cristiano Ronaldo aliwapatia Juventus ushindi katika Supercoppa dhidi ya Milan wiki mbili zilizopita na Dybala kumwagia sifa kibao baada ya mechi “Tunafahamu umuhimu wa Cristiano Ronaldo na ukubwa wa mchango wake kila siku. Mara zote nimekuwa nikisema yeye na Messi wako kwenye kiwango sawa. Mimi nina bahati ya kucheza nao wote” game zitaoneshwa ST World Football.
STEVE NYERERE AIBUKA KWA MANARA: ”MUACHE AJIPONGEZE KWA KIPIGO”
