Ikiwa ni Aprili 10, 2019 Mkurugenzi Mtendaji wa Clouds Media Group, Joseph Kusaga ameweka wazi jinsi alivyopambana kwa takribani miaka mitatu ili kuhakikisha mashindano ya East Africa Got Talent yanafanyika.
Kusaga ameyaeleza hayo wakati wa uzinduzi wa mashindano hayo ya vipaji mbalimbali ambapo amesema watu wengi walimwambia jambo hilo halitaweza kufanyika lakini hatimaye limefanikiwa.
“Hakuna kitu ambacho naweza kusema kama kumshukuru Mwenyezi Mungu kwani kuna watu waliruka ndani ya basi wakasema haiwezekani na tunapoteza muda lakini Mungu akisema ndio inawezekana,“amesema.
