Timu ya taifa ya Madagascar baada ya kuonesha maajabu katika michuano ya AFCON 2019 ikishiriki kwa mara ya kwanza na kuifunga timu kama Nigeria katika hatua ya makundi, leo July 7 2019 ilirudi tena uwanjani kucheza hatua ya 16 bora dhidi ya Congo DR walioingia hatua hiyo kama Best loser.
Baada ya Madagascar kuifunga Congo kwa penati 4-2 baada ya dakika 120 kumalizika kwa sare ya kufungana magoli 2-2, kocha msaidizi wa Congo Mwinyi Zahera ameungana na mashabiki na baadhi ya waandishi wa Congo waliokuwa wakilalamikia kuwa muamuzi alikuwa akiipendelea zaidi Madagascar kiasi cha kufanya baadhi ya maamuzi ya upendeleo.
“Nadhani tulianza mechi yetu hatukuanza vizuri tuliingia vibaya dakika 10 mwanzo hatukuwa vizuri tukawafanya Madagascar wajiamini na kufunga goli la kwanza na tukarudisha goli kabla ya kwenda kipindi cha pili, unajua mimi sipendagi kuficha kitu nasema ukweli leo walichagua timu inayopaswa kupitakutokana na mambo yaliyotokea uwanjani ilikuwa ishachaguliwa timu gani inafaa kupita leo”>>> Mwinyi Zahera
VIDEO: Kinachomfanya Bongo Zozo asite kuomba uraia wa TZ, Maisha yake?
