Baada ya kumalizika kwa michezo ya UEFA Champions League usiku wa November 28 2019 ilikuwa ni zamu ya kushuhudia game za UEFA Europa League, kama kawaida timu pendwa za England Arsenal na Man United zilishuka dimbani.
Arsenal alikuwa katika uwanja wake wa Emirates kuikaribisha Frankfurt ya Ujerumani wakati Astana ya Kazakhstan walikuwa wenyeji wa Man United.
Arsenal akiwa nyumbani alipokea kipigo cha magoli 2-1, magoli yakifungwa na Kamada dakika ya 55 na 64 huku wao wakiishia goli moja lililofungwa na Pierre Aubameyang dakika ya 45, mashabiki wa Man United na Arsenal leo hawawezi kuchekana.
Man United wao walipoteza pia kwa kufungwa 2-1 magoli ya Astana yakifungwa na Shomko dakika ya 55 na Benard akijifunga dakika ya 62, Jesse Lingard ndio alifunga goli la mapema kwa Man United dakika ya 10, Astana huo ndio ushindi wake wa kwanza Europa League kwani alikuwa kapoteza michezo yote minne ya mwanzo ila Man United kafuzu round inayofuata.
