Mkuu wa Mkoa wa Tabora Aggrey Mwanri amesema atawachukulia hatua za kisheria Wazazi na Walezi watakaoshindwa kuwasimamia Watoto wa kike katika kipindi hiki cha likizo ya corona na kupelekea Watoto hao kupata mimba, RC Mwanri ametoa kauli hiyo wakati akizungumza kwenye mdaharo wa elimu ya kujikinga corona katika Chuo cha Sayansi na Tiba Tabora.
“Sisi tunahangaika na corona hapa halafu kuna mtu anashangilia tutaangalia line yote inayotakiwa iwajibike kila mmoja asimame kwenye nafasi yake, yaani Mtu anasema corona oyee, anaifurahia corona kwasababu imemletea Mtoto wa shule ambaye alikuwa anashindwa kumpata, Mafataki wakae chonjo nitashuka nao jumlajumla” – RC Mwanri
