Rais wa Jamhuri ya Muungano wa Tanzania, Dkt. John Pombe Magufuli amefanya uteuzi wa Wakurugenzi wengine 5 kama ifuatavyo;
Kwanza, Rais Magufuli amemteua Duncan Golden Thebas kuwa Mkurugenzi Mtendaji wa Halmashauri ya Wilaya ya Newala Mkoani Mtwara.
Kabla ya uteuzi huo, Duncan Golden Thebas alikuwa Afisa Mipango wa Halmashauri ya Wilaya ya Kongwa Mkoani Dodoma na anachukua nafasi ya Mussa Chimae.
Pili, Rais Magufuli amemteua Mwailafu Thomas Edwin kuwa Mkurugenzi Mtendaji wa Halmashauri ya Mji wa Nanyamba Mkoani Mtwara.
Kabla ya uteuzi huo Mwailafu Thomas Edwin alikuwa Afisa Mipango wa Halmashauri ya Wilaya ya Ikungi Mkoani Singida na anachukua nafasi ya Oscar Antony Ng’itu.
Tatu, Rais Magufuli amemteua Erica Epaphras Yegella kuwa Mkurugenzi Mtendaji wa Halmashauri ya Wilaya ya Mtwara Mkoani Mtwara.
Kabla ya uteuzi huo, Erica Epaphras Yegella alikuwa Katibu Tawala Msaidizi Mkoa wa Mbeya na anachukua nafasi ya Bw. Omari Juma Kipanga.
Nne, Rais Magufuli amemteua Hassan Njama Hassan kuwa Mkurugenzi Mtendaji wa Halmashauri ya Wilaya ya Mvomero Mkoani Morogoro.
Kabla ya uteuzi huo, Hassan Njama Hassan alikuwa Afisa Mipango wa Halmashauri ya Mji wa Mtwara Mkoani Mtwara na anachukua nafasi ya Bw. Florent L. Kayombo.
Tano, Mhe. Rais Magufuli amemteua Bw. Kanyala Malima Mahinda kuwa Mkurugenzi Mtendaji wa Halmashauri ya Mji wa Ifakara Mkoani Morogoro.
Kabla ya uteuzi huo, Bw. Kanyala Malima Mahinda alikuwa Afisa Mipango wa Halmashauri ya Wilaya ya Mkuranga Mkoani Pwani na anachukua nafasi ya Bw. Francis K. Ndulane.
“AMENIPAKA UPUPU MKALI SEHEMU ZA SIRI, AKANIFUNGA PINGU ANASHURUTISHA” SABAYA AAGIZA WAKAMATWE
