Kwani umbali umewahi kuwa tatizo basi? 😀 acha mapenzi yaendelee kuiburuza dunia wakati leo nikikukutanisha na Scott na Agustina ambapo Scott Marmom (32) akiwa New York Marekani amefunga ndoa na Agustina Montefiori akiwa Argentina kwa njia ya mtandao (video call).
Penzi lao lilizaliwa May 2017 na baadae Augustina akasafiri na kufanya wakae mwaka mzima bila kuonana kutokana na mlipuko wa corona, baada ya kuona muda umesogea na mipango yao ya ndoa itakua ngumu kutekelezeka wakionana tena wameamua kuhalalisha penzi kwa kupitia video call ya mtandao wa zoom.
Hii inakuwa ndoa ya kwanza rasmi kufungiwa mtandaoni tangu corona kuibuka ambapo siku ya tukio ndoa hii ilishuhudiwa na Jaji pamoja na Ndugu jamaa na Marafiki.
Wanandoa wenyewe wanasema “Tusingeweza kuendelea kusubiri hadi corona iishe, corona imezuia kusafiri na kuwa pamoja lakini haijazuia mioyo yetu kuungana, imekuwa ni ndoa nzuri na ya kihistoria”
“Tuliomba kibali maalum cha kufungia ndoa yetu mtandaoni na tukapewa na Mamlaka, Rafiki zetu wanatutania kuwa na ndoa itavunjikia mtandaoni pia ila hatulitarajihii hilo na hatufikiri kuachana” – Scott na Agustina.
WANACHUO WAKULIMA WALIOUNGANA WATANO NA KUANZA KULIMA BAADA YA KUKOSA KAZI
