Watu watano akiwamo baba mzazi wakazi wa Kijiji cha Mwawile, wilayani Misungwi mkoani Mwanza, wanashikiliwa na Jeshi la Polisi kwa kula njama za kutaka kumuoza binti wa miaka 14 kwa mahari ya ng’ombe tisa na fedha taslimu Sh. 100.000.
Binti huyo alitaka kuozwa kwa mwanamume mwenye miaka 40, Buholo Lukuyege.
Sakata hilo lilitokea juzi, baada ya muuguzi wa zahanati ya Mwawile kutoa taarifa kwa mamlaka husika kufuatia wachumba hao kufika kwake kwa ajili ya kupima afya zao.
Akizungumzia tukio hilo, mjomba wa binti huyo, Juma Lukuyege, alisema mtoto huyo hakufanikiwa kumaliza elimu ya msingi na aliishia darasa la kwanza.
