Rais wa Kenya Uhuru Kenyatta ameelezea masikitiko yake na kutuma salamu za rambirambi kwa Familia ya Obama kufuatia kifo cha Sarah Obama ambaye ni Bibi wa Rais Mstaafu wa Marekani, Barack Obama.
Rais Kenyatta amesema —> “hili ni pigo kwa Taifa letu, tumempoteza Mwanamke shupavu, aliyeiunganisha Familia ya Obama pamoja”
Vilevile Waziri Mkuu wa zamani wa Kenya Raila Odinga na Mkewe Ida Odinga wametuma salamu za rambirambi kwa familia ya Obama kufuatia kifo cha Sarah Obama ambae amefariki akiwa na umri wa miaka 99 leo asubuhi Hospitalini Nchini Kenya.
Wamesema “Tumempoteza Mwanamke mpambanaji ambaye aliishi mbele ya muda, aliweza kuendesha Familia yeye mwenyewe baada ya Mumewe kuondoka, amekuwa mfano bora wa Wanawake Majasiri akiwa na uwezo wa kipekee wa kukabiliana na changamoto na alikuwa chachu kwa Mjukuu wake Barack Obama kukuza Elimu kwa Watoto wa Kike”
ULIPITWA? TAZAMA HAPA RAIS SAMIA SULUHU AKIHUTUBIA IKULU JANA
