Leo June 29, 2021 Afisa Mtendaji Mkuu wa Wakala wa Barabara Nchini Tanzania (TANROADS), Mhandisi Patrick Aron Mfugale amefariki dunia akiwa Mkoani Dodoma.
Kwa mujibu wa taarifa za awali kifo hicho kimetokea katika Hospitali ya Benjamin Mkapa jijini Dodoma.
Mzee Mfugale ambaye ni mzaliwa wa Kijiji cha Ifunda mkoani Iringa amehudumu Serikalini kwa miaka mingi tangu mwaka 1977 huku kazi zake zikionyesha matokeo makubwa.
