Jeshi la Polisi Mkoa wa Songwe limewafukuza kazi askari 7 wa kituo cha Polisi cha Wilaya ya Ileje Mkoani Songwe kwa kosa la kuvuka Mpaka na kuingia Nchini Malawi wakiwa na mavazi ya kipolisi na silaha za moto ikiwa ni kinyume na taratibu za kipolisi.
Aidha Kamanda wa Polisi Mkoa wa Songwe ACP Janeth Magomi amethibitisha kuwafuta kazi askari hao amesema kuwa bado uchunguzi wa kosa la askari hao linaendelea kama kweli walivuka hadi nchini malawi kufukuzia magendo kama walivyodai ama kuna sababu nyingine.
