Mkuu wa Wilaya ya Kinondoni, Godwin Gondwe amesema katika kipindi hiki cha mwaka mmoja wa Rais Samia madarakani wataendeleza utalii ndani ya wilaya hiyo ikiwemo kwa kutumia basi la mwaka 1960 Bristol Lodekka (La ghorofa).
DC Gondwe amesema kuwa ; “Katika Wilaya yetu Baba wa Taifa Mwalimu Julius Nyerere alianzia maisha yake ya kupigania uhuru katika wilaya ya Kinondoni, pia tuna maeneo mengine kama Makumbusho ya Taifa Kinondoni na tuna barabara nzuri zilizotengezwa kwa muda huu mchache kwa mwaka huu mmoja hapa na zimekamilika, katika kuunganisha yote hayo tumekuja na wazo la kuunganisha huu utalii,
“Tuna barabara nzuri Je mtu angependa kuja Kinondoni na kutembea kuangalia mandhari ya Dar es Salaam, lakini pia atembee kwa namna gani, kuwe na jambo gani, tukatengeneza kitu kama hiki Basi la Royal Bus ule utangazaji wa Rais Samia anasema Royal Tour na sisi tukapita katika mawazo yake tukaja na Royal Bus lengo ni Watalii wa ndani wanaokuja Kinondoni watumie basi hilo na hawatazuiwa kwenda Wilaya nyingine”
