Manchester United wanakaribia kukamilisha uteuzi wa meneja wao mpya ambapo Erik Ten Hag anapewa nafasi kubwa.
Vyanzo vya habari kutoka Ajax na kambi ya Mholanzi huyo viliambia Sky Sports News mazungumzo kuhusu fidia na jinsi ya kushughulikia tangazo rasmi yamefanyika.
Hata hivyo, United ilikanusha kuwa na majadiliano rasmi na kusema taarifa hiyo ni mapema sana kuzungumziwa.
Klabu hiyo imesisitiza hakuna mpango wowote ambao umefanywa na mtu yeyote. Msimamo wa United pia ni kwamba mchakato bado unaendelea na wagombea ni wengi.
Ten Hag amebakiza mwaka mmoja kwenye kandarasi yake ya Ajax lakini uhusiano bora kati ya vilabu umefanya mazungumzo kuwa ya moja kwa moja na klabu ya Eredivisie haitamzuia kutimkia United.
