Jeshi la polisi Mkoa wa Manyara linamshikilia Evamery Thomas (43) mkazi wa Mawemairo kata ya Magugu kwa kosa la kukutwa na dawa za Kulevya aina ya Mirungi akiwa kwenye gari aina ya Costa linalofanya Safari za Arusha-Babati.
Akithibitisha kutokea kwa tukio hilo Kamanda wa Jeshi la polisi Mkoa wa Manyara ACP Benjamin Kuzaga amesema tukio hilo limetokea 27/04/2022 katika kizuizi cha magari Minjingu.
RPC Kuzaga amesema Mtuhumiwa alibeba Mirungi bunda kumi akiwa ameweka tumboni kujifanya ana Ujauzito.
