Ni Mkali kutokea Nigeria, Kizz Daniel ambae wikiendi hii ya Jumapili Agosti 7 ,2022 anatarajiwa kutoa burudani nchini Tanzania.
Staa huyo atatoa burudani katika Tamasha lililoandaliwa na Str8upvibes maarufu kama Amplified ambalo mpaka litafanyika Nextdoor Arena ‘Warehouse’ iliyopo Masaki Dar es Salaam.
Na Miongoni mwa wasanii waliotajwa mpaka sasa kumsindikiza staa huyo ni Mkali kutokea Bongo Flevani Marioo pamoja na Mabantu.
Akizungumza na Millardayo.com & Ayo TV Sniper Mantana alisema..’Siku zimebaki chache sana hivyo nawasisitiza mashabiki ama wapenzi wa muziki waendelee kufanya malipo katika App ya Big Step Consultancy ili Agosti 7, 2022 wapate kile kilichobora hususani suala la muziki’- Sniper Mantana
‘Ratiba nzima inaeleza kuwa Kizz Daniel ataingia hapa nyumbani Tanzania Ijumaa ama Jumamosi kutokana na ndege husika itakayomleta kisha tutampa Ratiba ama muongozo wote wa show hii kama nilivyokuambia lengo nikuwekea heshima nchi yetu iwe miongoni mwa nchi zenye mapinduzi makubwa katika upande wa matamasha kwahiyo Agosti 7, 2022 histotia inakwenda kuandikwa’- Sniper Mantana
‘Na kama ilivyo desturi yetu Str8upvibes uwa tunapoandaa matamasha uwa tunatoa fursa kwa wasanii wa ndani ili waweze kuonesha kile walichonacho katika majukwaa yetu hivyo katika Amplified wapo wasanii wa ndani akiwemo Marioo, Mabantu na pia wapo wengine ila kuna taratibu za kuwatoa mmoja mmoja watu waendelee kukaa karibu na mitandao yetu ya kijamii St8upvibes hata Big Step Consultancy’ –Sniper Mantana
‘Nawakaribisha watu wao na tiketi bado zinaendelea chakufanya unatakiwa uwe na App ya Big Step Consultancy kisha ukiingia utafuata maelekezo yote ya namna ya kujipatia tiketi pamoja na kufanya malipo naomba waje wafurahi waje kuona kilichoandaliwa vitu vingi vizuri vimeandaliwa’- Sniper Mantana
MKALI WA BUGA, KIZZ DANIEL KUTUA BONGO, STR8UPVIBES WAFUNGUKA HAYA
