Maelfu ya Watazamaji wamefurika katika uwanja wa michezo wa Moi Kasarani,Nairobi kushuhudia William Ruto akiapishwa kuwa Rais wa Kenya baada ya ushindi wake katika mchuano mkali wa uchaguzi wa Rais ambao kwa sehemu kubwa ulifanyika kwa amani.
Karibu Wakuu 20 wa Nchi na Serikali wanahudhuria sherehe hizo, Ruto amekula kiapo cha kuwa Rais wa tano wa Kenya na kumrithi Uhuru Kenyatta aliyemaliza mihula miwili ya miaka mitano kila mmoja.
Mapema leo, Watu kadhaa walijeruhiwa wakati umati wa Watu ukijaribu kuingia kwa nguvu uwanjani hapo huku picha za televisheni zikionesha Watu kadhaa wakiangukiana na kukanyagana katika mojawapo ya malango.
Polisi iliwaambia Wakenya wafuatilie hafla hiyo majumbani mwao baada ya uwanja huo wenye uwezo wa kuwa na Watu 60,000 kujaa kabla ya alfajiri leo.
