Waziri wa Nchi Ofisi ya Makamu wa Rais (Muungano na Mazingira), Selemani Jafo amewataka Watu wa mikoani kuiga mfano wa Dar es salaam kwa kuhakikisha kampeni za utokomezaji wa mifuko ya plastiki zinakwenda kwa kasi ili kuhakikisha Nchi inakuwa safi na inaondokana na bidhaa za plastiki.
“Tutapambana na usafi mpaka kieleweke, tunataka hata tunapokunywa juisi unakunywa kwa mrija wa mwanzi”- Waziri Jafo
Waziri Jafo ametoa kauli hiyo wakati wa ni uzinduzi wa miswaki ya mianzi kwa ajili ya kusaidia kupunguza uwepo wa taka ngumu zinazozagaa ikiwemo plastiki, uzinduzi huo ulienda sambamba na usafi wa fukwe ya Rainbow ili kuona uhalisia wa idadi ya uchafu wa plastiki zinazotupwa baharini ambazo zinaua mazalia ya viumbe maji na kuchafua mazingira.
