Serikali ya Hong Kong imebadilisha visa ambayo ilipewa mwanasayansi wa China ambaye alianzisha mjadala wa kimaadili miaka mitano iliyopita kwa madai kwamba alitengeneza watoto wa kwanza duniani waliobadilishwa vinasaba, kisha saa chache baadae alitangaza mipango yake ya utafiti katika kituo cha fedha.
“Utafiti wangu wa kisayansi utazingatia kanuni za maadili na makubaliano ya kimataifa kuhusu utafiti wa kisayansi,” alisema katika mkutano mfupi wa habari.
Mwanasayansi He Jiankui, alishangaza ulimwengu mwaka wa 2018 alipotangaza kuwa alikuwa amebadilisha viinitete vya wasichana mapacha, huku wengi wa wanasayansi wakishutumu kazi yake kuwa isiyofaa na ni uongo
Alitiwa hatiani na mahakama ya China bara mwaka 2019 kwa kufanya mazoezi ya udaktari bila leseni na kuhukumiwa kifungo cha miaka mitatu jela na faini ya yuan milioni 3 ($445,000)
Wakati ikimtia hatiani mwaka wa 2019, mahakama ya China mjini Shenzhen ilisema kuwa hajapata sifa za kuwa daktari, alifuata umaarufu na faida, alikiuka kwa makusudi kanuni za Kichina kuhusu utafiti wa kisayansi, na alivuka mstari wa kimaadili katika utafiti wa kisayansi na dawa.
Mahakama pia ilithibitisha kuzaliwa kwa tatu, ikisema mradi wake ulihusisha watoto watatu waliobadilishwa vinasaba waliozaliwa na wanawake wawili.
