Rais wa Tanzania Dkt. Samia Suluhu Hassan wakati akiwasalimia Wananchi wa USA River Jijini Arusha leo amesema hawachukulii Wapinzania kama Maadui bali anawachukulia kuwa ni Watu wanaomuonesha changamoto ili aweze kuzitatua.
“Mtanzania yeyote awe Chama chochote cha siasa tunachotofautiana ni mawazo tu na fikra lakini pia Mimi sichukulii Wapinzani kama Maadui, nawachukulia kama Watu watakaonionesha changamoto zilipo nizitekeleze ili CCM iimarike”
“Kwahiyo Mdogo wangu (Lema) amerudi ameniambia ‘Mama nataka kurudi’ nikamwambia rudi, akasema ‘Mama nina kesi’, nikamwambia nazifuta rudi, amerudi tuimarishe siasa si ndio?”
“Mwanaume ni yule anayejiamini, Mwanamke ni yule anayejiamini, kwahiyo kwenye uwanja wa siasa tunajiamini tupo vizuri na tutakwenda vizuri, nawashukuru Watoto wangu wa Bodaboda, Bodaboda mpooo, wamenisindikiza toka Mjini mpaka hapa, mwendo ni huohuo mpaka 2025, nawatambua”
