Ufini imetajwa rasmi kuwa mwanachama wa 31 wa NATO, kuashiria mabadiliko makubwa katika mazingira ya usalama kaskazini mashariki mwa Ulaya ambayo yanaongeza takriban kilomita 1,300 (maili 830) kwenye mpaka wa muungano huo na Urusi.
“Finland leo imekuwa mwanachama wa muungano wa ulinzi wa NATO yaani enzi ya kutofungamana na jeshi katika historia yetu imefikia mwisho enzi mpya inaanza,” ofisi ya rais wa Finland ilisema katika taarifa yake.
“Kila nchi inaongeza usalama wake. Vivyo hivyo Finland.
Wakati huo huo, uanachama wa NATO unaimarisha msimamo wetu wa kimataifa kama mshirika, kwa muda mrefu tumeshiriki kikamilifu katika shughuli za NATO na katika siku zijazo, Ufini itatoa mchango katika uzuiaji na ulinzi wa NATO, “iliongeza.
Waziri wa Mambo ya Nje wa Marekani Antony Blinken, Katibu Mkuu wa NATO Jens Stoltenberg walikuwepo katika makao makuu ya NATO mjini Brussels wakati Waziri wa Mambo ya Nje wa Finland Pekka Haavisto akiweka hati ya kujiandikisha kwa nchi hiyo.
Bendera ya Finland itapandishwa nje ya makao makuu ya NATO siku ya Jumanne mchana katika hafla iliyohudhuriwa na mawaziri wa mambo ya nje wa NATO, akiwemo Blinken. Kwa mikutano yote ya baadaye ya NATO, Ufini inashiriki kama Mshirika ameketi kwenye meza kati ya Estonia na Ufaransa.
Kukubalika kwa Finland katika muungano wa usalama unaoongozwa na Marekani kunatoa pigo kwa Rais wa Urusi Vladimir Putin, ambaye kwa muda mrefu amekuwa akitafuta kuidhoofisha NATO, na kabla ya kuivamia Ukraine, aliitaka jumuiya hiyo kujiepusha na upanuzi zaidi.
