Mamlaka nchini Tunisia ilianzisha uchunguzi Jumatano kuhusu shambulio la risasi katika sinagogi lililoua mahujaji wawili wa Kiyahudi na askari watatu wa vikosi vya usalama vya nchi hiyo.
Nia ya mtu huyo mwenye bunduki, ambaye walinzi walimuua kabla ya kuingia katika jengo hilo katika kisiwa cha Djerba, bado haijafahamika.
Sinagogi la kihistoria la kisiwa hicho la Ghriba, linalofikiriwa kuwa mojawapo ya mahekalu kongwe zaidi ya Kiyahudi duniani, ni sehemu maarufu ya kuhiji, lakini haikujulikana ikiwa mshambuliaji, mwanachama wa Walinzi wa Kitaifa wa Tunisia, aliwalenga Wayahudi haswa katika shambulio la Jumanne.
Idadi ya waliofariki kutokana na shambulio hilo iliongezeka hadi Jumatano tano wakati mlinzi aliyekuwa amelazwa hospitalini hapo hapo alipofariki kutokana na majeraha yake, kulingana na afisa wa afya aliyetajwa na shirika la habari la TAP la Tunisia.
Wanajeshi wengine wanne wa vikosi vya usalama vya Tunisia bado wamelazwa hospitalini mjini Djerba, akiwemo mmoja katika hali mahututi.
Mamlaka ya Israeli na Tunisia na wanafamilia waliwatambua wahasiriwa wa kiraia kama binamu: Aviel Haddad, 30, ambaye alikuwa na uraia wa nchi mbili za Tunisia na Israeli, na Benjamin Haddad, 42, ambaye alikuwa Mfaransa.
Raia wanne pia walijeruhiwa, Wizara ya Mambo ya Ndani ya Tunisia ilisema.
Mtu huyo aipofika eneo hilo, alifyatua risasi huku vitengo vya usalama vilivyokuwa kwenye hekalu.
Walinzi walifyatua risasi na kumuua kabla hajafika langoni, wizara ilisema.
