Kiongozi Mkuu wa ACT Wazalendo Zitto Kabwe amesema amepokea kwa masikitiko taarifa za kifo cha aliyewahi kuwa Waziri wa Mambo ya Nje na Ushirikiano wa Kimataifa ambaye pia alikuwa Mgombea Urais kupitia ACT mwaka 2020, Bernard Camilius Membe.
Zitto amesema “Hakuna maneno yanayoweza kueleza mshtuko mkubwa nilioupata kufuatia taarifa ya msiba huu, zaidi ya kumshukuru Mungu Muunga kwa maisha ya Mzee wetu Bernard Kamilius Membe ambaye amefariki Dunia leo asubuhi”
“Mwanasiasa mahiri, Mwanadiplomasia maarufu na Mwakilishi wa Wananchi, kwa niaba yangu binafsi na kwa niaba ya Wanachama wa Chama cha ACT Wazalendo ambaye BM aliwahi kuwa Mwanachama wake natoa pole kwa Familia, Ndugu, Jamaa, Marafiki na Wananchi wote wa Jimbo la Mtama @napennauye na Mkoa wa Lindi Isihaka Mchinji kufuatia msiba huu mkubwa, tupo pamoja katika kipindi hiki cha majonzi”
