Rais wa Tanzania, Dkt. Samia Suluhu Hassan leo June 05,2023 ameshiriki chakula cha usiku Ikulu Dar es salaam na Timu ya Yanga kwa ajili ya kuwapongeza kwa hatua waliyofikia ya kucheza Fainali ya Kombe la Shirikisho Afrika (CAF) ambapo kwenye salamu zake za pongezi amesema Yanga imeitoa kimasomaso Tanzania kwa hatua iliyofikia kwenye mashindano hayo.
Miongoni yaliyojiri ni kuonekana Mchezaji wa klabu ya Yanga, Bernard Morrison akimvalisha medali Afisa Habari wa Klabu ya Simba, Ahmed Ally katika hafla ya kuipongeza Yanga SC iliyoandaliwa na Rais Samia Ikulu jijini Dar es Salaam.
