Habari za mtoto wa miaka 6 kumpiga risasi mtoto mdogo wake mara mbili huko Detroit zimetikisa jiji huku tukio hilolikitokea mtoto huyo alipopata bunduki nyumbani kwao na kufyatua kwa bahati mbaya na kumpiga mdogo wake .
Baba alikuwa nyuma ya nyumba huku mama hayupo nyumbani wakati wa tukio hilo lililoibua hisia kali kwaenye mitandao limeangazia hitaji la sheria kali zaidi za udhibiti wa bunduki huko Detroit Charles Fitzgerald, Mkuu wa Polisi wa Detroit, ameelezea.
Alisema kuwa ni jambo lisilokubalika kwa mtoto kupata silaha hatari na akataka hatua za haraka zichukuliwe ili kuzuia vitendo hivyo hatari kutokea tena na kusema kuwa mamlaka zinafanya uchunguzi kamili kuhusu suala hilo ili kubaini jinsi mtoto huyo aliweza kupata bunduki hiyo hapo awali.
Mtoto huyo aliepigwa risasi alisemekana kuwa akicheza wakati kaka mkubwa aliponyakua bunduki hiyo na kumpiga nduguye; moja kwenye shavu na nyingine kwenye bega lake.
“Tuko hapa mara nyingi sana tunazungumza juu ya kuhifadhi silaha,” alisema. “Kuna sheria za bunduki; kuna sehemu za kuhifadhia bunduki. Tuna bahati sana kwamba mtoto bado yuko hai.”
Tukio hilo pia limeibua maswali kuhusu wajibu wa wazazi katika kuhakikisha watoto wao hawapati silaha kwenye mitandao ya kijamii, watu wanasema jinsi ilivyo muhimu kwa wazazi kuwaelimisha watoto wao kuhusu hatari za bunduki na kuwazuia wasitumie.
Matokeo ya kutofanya hivyo yanaweza kuwa janga, kama inavyoonekana katika hali hii.
Tukio hilo limezua mjadala kuhusu sheria za udhibiti wa bunduki huko Detroit na kote nchini humo huku watu wengi wakitaka kuwe na sheria kali zaidi kuhusu bunduki, huku wengine wakisema kuwa ni haki yetu kubeba silaha kama Wamarekani.
