Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi ameshiriki Mkutano wa 14 wa Baraza la Taifa la Biashara (TNBC) uliofanyika Ikulu, Dar es Salaam leo tarehe 09 Juni 2023.
Mkutano huo umeongozwa na Mwenyekiti wa Baraza la Taifa la Biashara (TNBC) , Rais wa Jamhuri ya Muungano wa Tanzania Mhe.Dkt Samia Suluhu Hassan .
Vilevile katika mkutano huo Mwenyekiti wa TNBC, Mhe.Rais Dkt. Samia ameipongeza Serikali ya Mapinduzi ya Zanzibar kwa sera ya uchumi wa buluu na kuendelea kukuza soko la mazao ya bahari Duniani.
Pia amemshukuru Rais Dk.Mwinyi kwa kuhudhuria kwake mkutano huo na viongozi waandamizi kutoka Serikali ya Mapinduzi ya Zanzibar.
