Baada ya ukimya wa muda mrefu msanii Enock Bella ameibuka na kufunguka aliyoyapitia kipindi cha ukimya Wake ambapo ameeleza kuwa amepitia mengi yaliyompelekea kukata tamaa kwani alifika kipindi hadi kodi ya Nyumba ilimpa shida na kumpelekea kukimbia Dar na kwenda nje ya mji kujitafutia.
Bella ambaye leo hii amerudi na project ya kusaka vipaji ambayo ameipa jina la Sauti Search lenye lengo la kutafuta vipaji vya vijana wawili atakaoungana nao na kuanzisha Bendi yao.
Amesema amejifunza mengi baada ya kundi lao la Yamoto Bendi kuvunjika hivyo anauhakika atafanya vizuri na Bendi hii, kuhusu kupata ushirikiano kutoka Kwa wasanii wenzie aliokuwa nao Yamoto amesema hawana Mawasiliano ya mara Kwa mara lakini wako sawa na urafiki wao utabaki kuwa ule.
