Kylian Mbappe amefafanua kwamba hakuanzisha mpango wa kuhamia Real Madrid na kueleza kuridhika kwake na kubaki Paris St Germain (PSG) kwa msimu ujao.
“Sikuomba kuuzwa au kwenda Real Madrid. Nilithibitisha tu kwamba sitaki kuamsha mwaka wa ziada uliotarajiwa kwenye mkataba. Hatujawahi kuzungumza juu ya kuongezwa tena na PSG, lakini nina furaha kubaki hapa msimu ujao.”
Fowadi huyo wa Ufaransa hana mpango wa kurefusha mkataba wake na mabingwa hao wa Ligue 1, na alisisitiza kwamba hakuwahi kuomba uhamisho wa kwenda klabu hiyo ya Uhispania.
Kauli ya Mbappe inafuatia barua yake kwa PSG, ambapo alieleza nia yake ya kutoongeza mkataba wake unaotarajiwa kufikia tamati mwaka 2024 isipokuwa atatekeleza kipengele cha kuongeza mwaka mmoja.
PSG sasa wanakabiliwa na hali ngumu kwani wana hatari ya kumpoteza Mbappe kwa uhamisho wa bila malipo mwezi Juni 2024.
Iwapo ataamua kusalia hadi mwisho wa msimu wa 2023-24, klabu hiyo haitaweza kurejesha kiasi chochote cha Euro milioni 180 ($194.45 milioni)waliyowekeza katika kumsajili kutoka AS Monaco mwaka 2017.
Aidha, kuanzia Januari, Mbappe atastahili kusaini mkataba wa awali na klabu nyingine kwa msimu unaofuata ikiwa ataamua kutoongeza muda wake wa kukaa PSG.
Uthibitisho wa Mbappe wa kujitolea kwake kwa PSG kwa msimu ujao unatoa hakikisho kwa klabu, lakini uwezekano wa kumpoteza kwa uhamisho wa bure mnamo 2024 bado ni wasiwasi,PSG itahitaji kuangalia hali hii kwa uangalifu ili kuhakikisha wanabakiza nyota wao mbele au kupata ada kubwa ya uhamisho ikiwa kuondoka kutakuwa kwa kuepukika.
