Rais wa Tanzania Dkt. Samia Suluhu Hassan leo June 16,2023 amewaapisha Viongozi mbalimbali Wateule Ikulu Chamwino Dodoma ambapo amesema ataendelea na panga pangua ya kuisuka Serikali mpaka pale itakapopatikana line iliyokaa sawasawa katika kila Sekta.
Rais Samia amenukuliwa akisema “Bado tunacheza draft la kupanga Serikali na ndivyo inavyotakiwa kwasababu maendeleo ni adjustments, ukiona mambo yanakwama hapa, una-adjust hapa, unakwenda mpaka unapata line iliyokaa sawa, kwahiyo bado tutaendelea kufanya hivyo mpaka tupate line iliyokaa sawasawa katika kila Sekta.
“Mativila alifanya kazi nzuri sana TANROADs nikaona nimpandishe aende TAMISEMI akashughulike na miundombinu, TAMISEMI ni dude kubwa sana lakini Watu ni wachache, TAMISEMI ina TARURA, tunajenga Mashule na Vituo vya Afya nikaona tunahitaji Mtu wa kusimamia miundombinu inakwenda sawa na kuhakikisha inajengwa kwa thamani ya fedha tunazopeleka”
“Kamishna Wakulyamba unakwenda Utalii sababu ni moja tu kuna Jeshi USU na kila siku tunasikia kesi za Jeshi USU, mara wameingiza nani, mara wameuana, mara wameuliwa wenyewe, mara Hifadhi sijui imefanyaje, sasa wewe ni Mwanajeshi mwenzao kasimamie nidhamu ya Jeshi USU hiyo ndio kazi yako mahususi”
